שיא מיוזיק

מילות השיר:
פזמון :
אוי, מאמע,
אידישע מאמע,
דו בויסט דאך כלל ישראל,
אוי מאמע,
בזכות דיר מאמע,
ישועות אלעמאל.

אין מצרים די יללות ,
אזא שעבוד, אזא גלות ,
קינדער אזוי קליין ,
אין טייך אריין.

מיט אמונה און בטחון ,
אלע אידישע מאמע’ס ,
די בעיבי’ס אין פעלד ,
דארט אוועקגעשטעלט.

ווער קען פארשטיין?
דאס הארץ טוהט צוגיין ,
קינדער קליין ,
לאזן אליין.

פתח פתח להם ,
די קינדער צו דיר נעם ,
איך פארלאז זיך אלעמאל ,
אויפן שומר ישראל.

אוי מאמע ,
זארג נישט מאמע!
די קינדער וועל איך שפייזן ,
בזכות דיין אמונה ,
דיין ווארעמע תחינה ,
פון מצרים ענק אויסלייזן.

פזמון....

ויהי בימי אחשורוש ,
ארור המן און זרש ,
אידן אין געפאר ,
בכל אתר.

אפגעזיגלט, אפגעביגלט ,
געשיקט די בריוון אומעטום ,
להרוג ולאבד ,
את כל היהודים.

אין גרויסן הסתר, די מלכה אסתר ,
אין די צרה אט די גרעסטע ,
וואס צו טוהן זי ווייסט ,
די אידן זי הייסט.

לך כנוס ,
קליין און גרויס ,
פאסטן, וויינען און בעטן ,
דערנאך וועל איך,
צום קעניג צוטרעטן.

אוי אסתר וויינט און קלאגט ,
צום באשעפער זאגט ,
קלי קלי ,
למה עזבתני.

צום מלך טוהט זי גיין ,
זי טרעפט ביי איהם חן ,
זי ברענגט די ישועה ,
און המן די תליה.

פזמון...

די יוונים, עזי פנים ,
ופרצו חומות מגדלי ,
די תורה אויסרייסן ,
געוואלט האבן זיי.

אליפורני הרשע, א גזירה קשה ,
אלע אידן ארומגעמויערט ,
מ’הונגערט און מ’דארשט ,
און מ’טרויערט.

יהודית די צדקת ,
געבעטן מיט דבקות ,
מיט מסירות נפש גרויס ,
צום רשע ארויס.

אין פאלאץ איז זי אריין ,
פארשלעפערט איהם מיט וויין ,
אין שלאף איהם אומגעברענגט ,
די ישועה זי ברענגט.

פזמון....

הערות על השיר:
מקהלת ילדים: MK Studio.
סולנים ילדים: יוסי ווייס, יואלי גליק..